
Денес, 9.5.2026 год, во просториите на Филолошкиот факултет „Блаже Конески“ во Скопје се одржа Државниот натпревар по Македонски јазик и литература за ученици од IV година - за матурантите.
Нашата ученичка Ивана Атанасоска е новиот вицешампион со фантастичен резултат со што се продолжува низата на одлични резултати во последните неколу години на Ивана, на менторот Мартин Наумоски и секако, на Гимназија „Мирче Ацев“.
Имено, Ивана во своето четиригодишно гимназиско образование имаше исто толку учества на државен натпревар и освои дури две први места (II и III година и две втори места во I и IV година). Ментор во сите овие години беше проф. Мартин Наумоски.
Уште еднаш се покажува дека Гимназијата во Прилеп е вистински расадник на ученици кои со квалитет и љубов го негуваат мајчиниот јазик и покажуваат како се сака и како се почитува истиот.
Во последните 5 години, државниот натпревар по Македонски за гимназијалците донесе ЧЕТИРИ ПРВИ МЕСТА, ДВЕ ВТОРИ И ЕДНО ТРЕТО што е фантастичен успех на сите инволвирани.
Честитки за Ивана, менторот и Гимназија „Мирче Ацев“. Нека се множат успесите.
Официјална веб страница на СОУ Гимназија „Мирче Ацев“ Прилеп
Сите права ги задржува gimprilep.edu.mk
Copyright © 2010 - 2026