МК | EN | FR | DE

Минатогодишните победници на 4тиот Хакатон од Првата Национална Олимпијада за Вселената од нашето училиште, Никола Бонески IV-8, Софија Настоска II-6 и Георги Николоски II-4 под менторство на професорката Марина Попоска, во саботата на 2.12.2023, на аеродоромот Стенковец, во близина на Скопје, учествуваа на финалниот настан што го организираше Њу Менс Бизнис Акцелератор и Фондацијата Голдилокс со поддршка на Американската амбасада.



На настанот се изведоа многу интересни активности. По предавање за атмосферата и вградување на системи, имаше работилница за подготовка и поврзување на летало дрон со сензори за мерење на температура, барометарски притисок, влажност на воздухот, присуство на CO₂ и загаденост на воздухот (TVOC).






Сите присутни учесници беа поделени во тимови кои работеа на истражување на податоци за тој ден, техничкото решение за експериментите, како и креирање Лого на мисијата. Потоа, се изведе летање на дронот со поставениот уред за експериментите, по што беше направена анализа и споредба на истражените и добиените податоци.
Учесниците имаа и можност да летаат во мали групи со балон на топол воздух.
Во завршниот дел на настанот, се одржа предавање „Како самостојно да изработиш ДРОН или мал АВИОН“.







Сите учесници добија сертификати за учеството на настанот.
Сите права се задржани. СОУ Гимназија „Мирче Ацев“ Прилеп
Copyright © 2010 - 2025
www.gimprilep.edu.mk. All rights reserved.